စိတ်ကို စိတ်နဲ့ ညှို့မယ်
ကြည့်နေတဲ့ အကြည့်စူးစူးတွေအောက်မှာ ခုန်ဆင်းလို့
ရှင်တို့ သိမ်မွေ့တယ်ဆိုတာ
ကျမတို့ ရိုင်းသလောက်ပဲ ရှိတာပါ ရှင်ရယ်
ဘယ်လို ဘယ်ဈေးလည်း မမေးစမ်းနဲ့
ကာလပေါက်ဈေးဟာ
လျှာဖျားလေးပေါ်မှာပဲ ပြေးနေတာ
စေတနာသန့်သန့်နဲ့ဆိုလား
ဟာသပဲ
ဒီလိုစကားတွေ အပြင်ကမ္ဘာမှာပဲ ထားခဲ့စမ်းပါ
ကြားလား
နောက်ခံတီးလုံးလေးကိုက ယိမ်းယိမ်းနွဲ့နွဲ့လေး
နှုတ်ခမ်းချင်း မထိခင်
ဝတ်ကောင်းစားလှ ပကာသနတွေ အရင်ခွာချပစ်လိုက်
ခပ်မိုက်မိုက် ပုံစံသာ ဖမ်းလာတာ ရှင်က ဒါမျိုးကျ သိပ်ရိုးတာပဲ
ဝီစကီခွက်ပေါ်က နှုတ်ခမ်းနီရာလေးတွေ့လား
အဲဒီ့မှာ ကျွန်မ မာယာတွေ နည်းနည်းခပ်ထားတယ်
ဖင်ဆီခံနား ကပ်နေတဲ့ ဆေးလိပ်လေးကို
ကျမပါးစပ်နား တေ့ပေးထားစမ်းပါ
ဒီလိုအချိန်မျိုးမှာမှ ကျမ ကျပျောက်သွားတဲ့
သစ္စာတရားကို ရှင်မိအောင်မဖမ်းနိုင်ရင် ရှင်ဟာ လူညံ့ပဲ
နှိုက်နှိုက်ချွတ်ချွတ် မေးခွန်းတွေနဲ့
ညကို စဖွင့်မလို့လား
ဖြေရ ခက်လိုက်တာကွယ်
ကျမပစ်လိုက်တဲ့ မျက်စောင်းတွေ လိုက်ကောက်သိမ်းထား
တချိန်ချိန်တော့ ရှင့်အတွက် အသုံးဝင်မှာပါ
ဘ၀ကို ဘာနဲ့ပဲ ရောစပ်စပ်
အခါးဟာ သွေးသားထဲထိ စိမ့်ဝင်နေတဲ့ ပူလောင်မှုပဲ
ရှင်လည်း တည
ကျွန်မလည်း တခဏပါပဲ
ပုံပြင်တွေ သိပ်မပြောစမ်းနဲ့
အချစ်သီချင်းတွေ နားထဲ ဖြတ်ပြေးဝင်လာတယ်
(အသံကလည်း ဆိုးလိုက်တာ)
နာရီတွေ ခဏခဏ ကြည့်နေမဲ့ အစား
ကျွန်မကိုပဲ ဖက်ထားပေးပါလား
ရှင့်မျက်နှာပေါ်က ဆာလောင်မှုတွေ မမြင်ရလည်း အမြတ်ပေါ့ ။
လေထုထဲမှာ သက်ပြင်းတွေ ဖြည်းဖြည်းလေး တိုက်ခတ်လာတယ်
ခေါက်ရိုးကျိုးသိမ်မွေ့မှုတွေကို မီးရှို့ပစ်လိုက်တော့
ပြီးရင် ဖြာ/ပြာကျသွားတဲ့ ရယ်မောခြင်းတွေကို အငမ်းမရ လိုက်ရှာကြမယ်
ဒါ့ထက်
ရှင့် လက်သူကြွယ်က ရွှေရောင်တလက်လက်က မျက်စိထဲစူးလိုက်တာ
ပြန်မယ်ဆိုလည်း ပြန်တော့ပေါ့ကွယ်
ခုကျမှ ကျမ နာမည်သိချင်သတဲ့လား
ပြောပါတယ်
ရှင်က အထက်တန်းစား ယဉ်ကျေးမှုတွေနဲ့ ရောက်လာပြီး
ဒါမျိုးကျ သိပ်ရိုးအ ပါတယ်ဆို . . .
-ဇောက်ထိုး-
ဇန်နွာရီ ၃၀
(ကိုယ့် ဘောင်နဲ့ ကိုယ် လွတ်လွတ်လပ်လပ် ရေးပါတယ်)
