Thursday, May 8, 2014
'ကိုယ် တောက်ခေါက်ထုတ်လိုက်တဲ့အလွမ်း'
အလွမ်းက ခါးသက်သက်ပေမဲ့
သတိရခြင်းက ရင်မောရပေမဲ့
တိတ်တော့လေ………
ပန်းတွေဝေရုံနဲ့
သူတို့ကြွေရမယ့်အချိန်ကို
ကြိုဝမ်းနည်းစရာမလိုဘူး
Honey………
ကိုယ့်ရဲ့ တစ်သီးပုဂ္ဂလ ကာရန်နဲ့
ကိုယ်ရဲ့ ခွာပါးပါး ဖိနပ်တစ်ဖက်နဲ့
ကိုယ့်ရဲ့ မရှိမဖြစ်လှော်တက်နဲ့
ဆည်းဆာကို
အကြိမ်ကြိမ် ကျော်ဖြတ်လာခဲ့တယ်
ဒါနဲ့လေ…
လွမ်းတဲ့အခါကျရင်
ကိုယ့်ဓာတ်ပုံကိုခပ်ဖွဖွလေးနမ်းပါ ……နော်
မင်းရဲ့ အိပ်ယာဝင်ပုံပြင်ထဲမှာ
ကိုယ့်အကြောင်းပါမယ်
ကိုယ့်ရဲ့ ဂယောက်ကယက်အိမ်မက်ထဲမှာ
မင်းအကြောင်းပါမယ်
တကယ်တော့လေ………
ရိုးသားစွာ ဖြစ်တည်လာမှုဟာ
လုပ်ယူခြင်းတွေ မပါတာ သေချာတယ်
အချစ်က မြတ်နိုးမှုလို့ အဓိပ္ပာယ်ဖွင့်မယ်
မင်းရဲ့နှုတ်ခမ်းတွေ ကွဲအက်နေတဲ့အခါ……
မင်းရဲ့လက်တွေ ကိုက်ခဲနေတဲ့အခါ……
အချိန်တွေ နေ့တွေ ရက်တွေ လတွေ
တိုက်စားခဲ့မှုပေါင်းများစွာကို ပြန်တွေးပါ
တခမ်းတနားမဟုတ်ပေမဲ့
တစ်ရံတည်းသော အနာဂတ်လေးကိုတွေးပါ
အိမ်ခန်းထဲက စာအုပ်စင်လေးကိုတွေးပါ
ပြီးတော့……
မင်းရဲ့ ………
ခွကျကျကပ်ပါးမလေးအကြောင်း တွေးပါ
ဆိုပါစို့………
စာရွက်အပြည့် မင်းနာမည်ရေးနေတဲ့အခါမျိုး
အလုပ်ကိုဘေးချိတ်ပြီး မင်းအကြောင်းတွေးနေတဲ့ အခါမျိုး
လွမ်းလွမ်းနဲ့ စိတ်ပေါက်ပေါက် သီချင်းအော်ဆိုတဲ့အခါမျိုး………
အဲ့ဒီ့အချိန်တွေ မြန်မြန်ကုန်အောင် ဘယ်နားသွားပစ်ရမလဲ Honey???
ဝေးနေတဲ့ အချိန်ခဏလေးမှာ
ခံပြင်းစိတ်နဲ့ တောက်ခေါက်လိုက်မိတာတောင်
'အလွမ်း 'လို့ အသံထွက်သွားတယ်…။ ။
စုန်း
Subscribe to:
Post Comments (Atom)
0 comments:
Post a Comment