'ကိုယ် တောက်ခေါက်ထုတ်လိုက်တဲ့အလွမ်း'

အလွမ်းက ခါးသက်သက်ပေမဲ့
သတိရခြင်းက ရင်မောရပေမဲ့
တိတ်တော့လေ………
ပန်းတွေဝေရုံနဲ့
သူတို့ကြွေရမယ့်အချိန်ကို
ကြိုဝမ်းနည်းစရာမလိုဘူး
Honey………


ကိုယ့်ရဲ့ တစ်သီးပုဂ္ဂလ ကာရန်နဲ့
ကိုယ်ရဲ့ ခွာပါးပါး ဖိနပ်တစ်ဖက်နဲ့
ကိုယ့်ရဲ့ မရှိမဖြစ်လှော်တက်နဲ့
ဆည်းဆာကို
အကြိမ်ကြိမ် ကျော်ဖြတ်လာခဲ့တယ်
ဒါနဲ့လေ…
လွမ်းတဲ့အခါကျရင်
ကိုယ့်ဓာတ်ပုံကိုခပ်ဖွဖွလေးနမ်းပါ ……နော်


မင်းရဲ့ အိပ်ယာဝင်ပုံပြင်ထဲမှာ
ကိုယ့်အကြောင်းပါမယ်
ကိုယ့်ရဲ့ ဂယောက်ကယက်အိမ်မက်ထဲမှာ
မင်းအကြောင်းပါမယ်
တကယ်တော့လေ………
ရိုးသားစွာ ဖြစ်တည်လာမှုဟာ
လုပ်ယူခြင်းတွေ မပါတာ သေချာတယ်

အချစ်က မြတ်နိုးမှုလို့ အဓိပ္ပာယ်ဖွင့်မယ်
မင်းရဲ့နှုတ်ခမ်းတွေ ကွဲအက်နေတဲ့အခါ……
မင်းရဲ့လက်တွေ ကိုက်ခဲနေတဲ့အခါ……
အချိန်တွေ နေ့တွေ ရက်တွေ လတွေ
တိုက်စားခဲ့မှုပေါင်းများစွာကို ပြန်တွေးပါ
တခမ်းတနားမဟုတ်ပေမဲ့
တစ်ရံတည်းသော အနာဂတ်လေးကိုတွေးပါ
အိမ်ခန်းထဲက စာအုပ်စင်လေးကိုတွေးပါ
ပြီးတော့……
မင်းရဲ့ ………
ခွကျကျကပ်ပါးမလေးအကြောင်း တွေးပါ


ဆိုပါစို့………
စာရွက်အပြည့် မင်းနာမည်ရေးနေတဲ့အခါမျိုး
အလုပ်ကိုဘေးချိတ်ပြီး မင်းအကြောင်းတွေးနေတဲ့ အခါမျိုး
လွမ်းလွမ်းနဲ့ စိတ်ပေါက်ပေါက် သီချင်းအော်ဆိုတဲ့အခါမျိုး………
အဲ့ဒီ့အချိန်တွေ မြန်မြန်ကုန်အောင် ဘယ်နားသွားပစ်ရမလဲ Honey???
ဝေးနေတဲ့ အချိန်ခဏလေးမှာ
ခံပြင်းစိတ်နဲ့ တောက်ခေါက်လိုက်မိတာတောင်
'အလွမ်း 'လို့ အသံထွက်သွားတယ်…။ ။

စုန်း

** ပြိုင်မျဉ်း **

သူ့အတွက် ညက
ငါ့အတွက် မနက် ဖြစ်တယ်
သူမိုးမှောင်ကျနေချိန်တောင်
ငါ့အတွက် အမှောင်ကလင်းလွန်း…

ငါက ဝိုင်းစက်စက် သုညဆိုရင်
သူက ကောင်းကင်က လ
အရင်းအနှီးမပါတဲ့ ငါ့ဘဝနဲ့
ဆုတ်လိုက်ဆန်းလိုက် သူ့သဘာဝ……


ငါက တောင်အောက်ကလူဖြစ်ပြီး
သူက တောင်ထိပ်ကလူဖြစ်တယ်
သူက ကိုယ့်ထက်နိမ့်တဲ့သူကို
ငုံ့ကြည့်တတ်သလို……
ငါက ကိုယ့်အထက်ကလူကို ငေးမော


ငါ့အတွက်က အချစ်ဆိုတာကို
နှလုံးသားနဲ့ကြည့်ပေမယ့်
သူအတွက်က အချစ်ဆိုတာကို
မျက်စိနဲ့ကြည့်တယ်


ဒီလိုနဲ့ပေါ့လေ……
ဒီလိုနဲ့…………………
ငါတို့ရဲ့ လက်ဖြစ်လှေကလေးကို
ခြားနားခြင်းတွေကြား နှစ်လိုက်ကြတာ……
ပြောပါ !
မျဉ်းပြိုင်တွေ အတိအကျဆုံနိုင်မယ့်နေရာ… ။


__________ စုန်းမ

ဆူဒိုကု

တိုင်ကိုးတိုင်
တန်းကိုးတန်း
ဒါပေမဲ့
တစ်ကြိမ်မှာ ဂဏန်းတစ်လုံးသာ


တစ်ချို့က လက်တည့်စမ်းကြ
တစ်ချို့က ဖြည့်ချင်ရာဖြည့်ကြ
တစ်ချို့က လက်လျော့ကြ
ငါတို့တွေကတော့
ရည်ရွယ်ချက်နဲ့တမြည့်မြည့်ကစားနေတုန်း


မှားတယ်
ထပ်မှားတယ်
အမှန်ပြန်ဖြည့်တယ်
ကွက်လပ်တစ်ခုပြည့်တိုင်းမှာ
ပြည့်စုံခြင်း ရဲ့ အဆီအနှစ်တွေ…………။

'' နေပျော်သော ''

ငါက
အနောက်ကို ပြန်လှည့်
အရှေ့စူးစူးဆီ ငေးကြည့်ရင်းနဲ့………………


ဘဝဟာ ခက်သယောင်ယောင်ရှိပေမဲ့
သက်ပြင်းချတာရယ် အော်ငိုတာရယ်
ရယ်မောတာရယ်
တကယ်တော့…………
ပေါ့ပေါ့နေ ပေါ့ပေါ့စား
ငါ(တို့) အတွက် 'လွယ်' တယ်



အစကတော့
ရွှေနဲ့ကွင်းဖို့ ကြိုးစားခဲ့ကြတာပဲ
အဆုံးကျတော့
ကြေးနဲ့ပဲ ကွပ်လိုက်ကြတယ်



မယုံမရှိကြနဲ့

ငါ(တို့)က စွန်လိုက်ဖို့ထက်
စွန်လွှတ်နေကြသူတွေ
သိုးမည်းက သိုးမည်းပါပဲ
ငါ(တို့) ဘယ်တော့မှ ဆေးမဆိုးကြဘူး


သန်းခေါင်ပျောက်ပြီးရင် မိုးသောက်လိမ့်မယ်
တနင်္ဂနွေပြီးရင် တနင်္လာ ရောက်လိမ့်မယ်
သင်္ချာမတတ်ပေမဲ့လည်း သုညတွေရှိနေလိမ့်ဦးမယ်


ဘုရားရှိခိုးရင်း
ငါ(တို့)…………
နေပျော်ကြတယ်…………
အပျော်အပါးလိုက်စားရင်း
ငါ(တို့)…………
နေပျော်ကြတယ်………
ကရုဏာထားရင်း
ငါ(တို့)…………
နေပျော်ကြတယ်………
တစ်ကိုယ်ကောင်းဆန်ရင်း
ငါ(တို့)…………
နေပျော်ကြတယ်……………
ကဗျာရေးရင်းနဲ့လည်း………
ငါ(တို့)…………
နေပျော်ကြပါတယ်…………။ ။

nOtiCe

nOtiCe…… 1

မွန်ဆီယာရေ
ကိုယ်က…
တကယ်တော့ 
စိတ်ကူးတွေနဲ့ ခရီးဆက်တဲ့လူပါ
ကိုယ့်ခံစားချက်တွေကို 
ဆည်ဖို့ မထားတတ်တဲ့လူပါ……
ဒီတော့ကွယ်
သကြားအုပ်ထားတဲ့ ဆေးခါးခါး တွေနဲ့တော့
ကိုယ်က ကွဲပြားကောင်း ကွဲပြားပါလိမ့်မယ်

nOticE……2

မွန်ဆီယာရေ………
ကိုယ် မင်းကို ချစ်တယ်
သိပ်ကို ချစ်တယ်ကွယ်
ကချေသည်ရဲ့ လက်က
ပန်းဆက်ခွင့် မပါဘူး ဆိုလည်း
တိုးတိုး တိတ်တိတ်ပဲ ဖြစ်ဖြစ်
ကိုယ်…… မင်းကို ချစ်တယ် ။

NoTiCE……3

မွန်ဆီယာရေ……
ကံကြမ္မာနဲ့ စီးချင်းထိုးဖို့
အစီအစဉ်ဆွဲတဲ့အခါ
ကိုယ်ဟာ သူရဲကောင်းဖြစ်ချင်ဖြစ်မယ်
အရှုံးသမား ဖြစ်ချင်ဖြစ်မယ်
ဘာပဲဖြစ်ဖြစ်
ကိုယ့်အတွက် 
မှတ်ဥာဏ်မှာ မင်း ကျန်ရစ်နေလိမ့်မယ်

nOtIcE……4

မွန်ဆီယာရေ…
မင်းပြောဖူးသလိုပေါ့
ဘဝဟာ သုညမှာစပြီး သုညနဲ့ဆုံးတယ်ဆိုတာ
ကိုယ်ဟာ လောဘကြီးပါတယ်ကွယ်
ရှင်သန်ခွင့်ရတုန်းတော့
မင်းရဲ့ အင်္ကျီစလေးပဲ ဖြစ်ဖြစ်
မလွှတ်တမ်း ဆွဲထားချင်သေးတယ်

NotIce…… 5

မွန်ဆီယာရေ
အနာကျင်ရဆုံး လူဆိုတာ
နောက်ဆုံးမှ သေရတဲ့ လူတွေဖြစ်တယ်
မင်း … ဘယ်တော့မှ မငိုနဲ့
ကိုယ့်ရဲ့ အနက်ရောင်ခေါင်းတလားပေါ်မှာ
နှင်းပန်းဖြူဖြူတွေကို
အစွမ်းကုန် ပေးပွင့်လိုက်စမ်းပါ…

Notice……6

မျဉ်းမပိတ်ကြေးကွယ်
နှုတ်ဆက်ခဲ့ပါတယ်
မွန်ဆီယာ………

စုန်း

အတိတ်

အတိတ် …… "၁"

သူတို့တွေရဲ့ သွေးသားက
ငါမဟုတ်ခဲ့ဘူး ဆိုရင်
ဒါမှမဟုတ်……
အိမ်ရှေ့လမ်း မှာနေတဲ့
ထူးချွန်ကျောင်းသူက ငါဖြစ်ခဲ့မယ်ဆိုရင်
အဖေနဲ့ အမေရဲ့
အသက်ရှုသံက
ခဏခဏ သက်ပြင်းတွေပါစရာ မလိုတော့ဘူး

အတိတ်……"၂"

ငါ့ရဲ့ ပွယောင်းယောင်း လက်ချောင်းတွေနဲ့
ဆုတောင်းယဲ့ယဲ့ကို တောင်းခံခဲ့ဖူးပြီးပြီ
အနီးဆုံးမှာ ရှိနေတဲ့ အဝေးဆုံးလူတွေဆီကလည်း
ဥပေက္ခာ ဆိုတာကို ခံစားနားလည်ခဲ့ပြီးပြီ
လေချည်းသက်သက်
ငါ့ကိုယ်ငါ လွှင့်ပစ်လိုက်တယ်
အခုလောက်ဆို အငိုတိတ်သင့်နေပြီ မဟုတ်လား………

အတိတ်……"၃"

ကိုယ့်ရဲ့ စိတ်ခံစားချက်ကို
သော့ခတ်တတ်အောင်
ကိုယ်ပိုင်ဘဝ တစ်ခုရှိကြောင်း ဟန်ဆောင်တတ်အောင်
ဘေး ဘယ် ညာ ကိုကြည့်ပြီး
အရောင်ပြောင်းတတ်အောင်
ကိုယ့်ကိုကိုယ် ပြန်သင်တတ်ခဲ့တယ် ။

အတိတ်……"၄"

လေ့လာတွေ့ရှိချက်တွေအရ
အပေါင်းအသင်းဆိုတာ
ကြောက်စရာ အကောင်းဆုံး အန္တရာယ်ပဲ
စိတ်ရော လူရော ခွာထားပါရစေ

အတိတ်……"၅"

ဘယ်လိုပြောရမလဲ
ငါ့အတွက် တိုးတိုးဖော်က ငါပဲ
ငါ့အတွက် အရင်းနှီးဆုံးက ငါပဲ
ငါ့အတွက် အချစ်ဆုံးက ငါပဲ
အကြိမ်တစ်ထောင်တောင်းလို့
တစ်ကြိမ်မပြည့်ဖူးတဲ့ ဆုတွေကို
ဘုရားသခင်ဆီက ပြန်ရုတ်သိမ်းလိုက်တယ်…

အတိတ်……"၆"

ကိုယ့်ကိုကိုယ်ပြန်ပုန်းဖို့
မြေအောက်ခန်းတစ်ခန်း ပေးပါ
ရှုသွင်း ရှုထုတ်တဲ့လေကအစ
ဆွေးဆွေးမြေ့မြေ့ကြီးရယ်
မပြောကြပါနဲ့……
လက်ညိုးတွေ ငါ့ဘက်မလှည့်ကြပါနဲ့……
ဖြစ်တည်မှု အစကတည်းက
လုံခြုံမှု ရဲ့ အဓိပ္ပာယ်ကို
ကိုယ့်အရိပ် ကိုယ်ပြန်ဖမ်းနေသလို
လိုက်ရှာနေခဲ့ရတာ……

အတိတ်……"၇"

လူမြင်သူမြင် မဝဲတတ်တဲ့
ငါ့မျက်ရည်တွေ
ငါမကွယ် မဝှက်ဖူးတဲ့ စကားတွေ
ငါ့အထိတ်တလန့် ဆန္ဒတွေ
ငါ့ရဲ့ ရိုင်းရိုင်းစိုင်းစိုင်းရေရွတ်သံတွေနဲ့
င့ါရဲ့ အားငယ်တီးတိုးသံ တွေ
ဇာအနားသတ် ခေါင်းအုံးအောက်မှာ စိုတယ် ။

အတိတ်……"၈"

အရာမထင်ခဲ့တဲ့ ကြိုးစားမှုတွေ
အသိအမှတ်မပြုခဲ့တဲ့ စေတနာတွေ
အကောင်းမမြင်ပေးတဲ့ လုပ်ရပ်တွေ
တကယ်တော့……
အထီးကျန်တယ် ဆိုတာ <ငါ့အတွက်>
ပိုပြီး သက်တောင့်သက်သာ ရှိတယ်

အတိတ်……"၉"

တစ်စုံတစ်ယောက်ရဲ့ လက်တစ်ဖက်ကို ဆွဲထားရတာ…အသက်ရူကြပ်တယ်
ဖြုတ်ချထားခဲ့မလား
ပြုတ်ကျကျန်ခဲ့မလား နဲ့
ရင်တထိတ်ထိတ်……

အတိတ်……"၁၀"

မနေ့ညက
အတိတ်ကို သတိရတဲ့စိတ်နဲ့
ငါ………လှိုက်လှိုက်လှဲလှဲ ငိုတယ်…။

စုန်း

တွင်းပိုး

ငါ့ကိုကိုင်လှုပ်လိုက်စမ်းပါ
စကားလုံးတွေများ
တစ်ဂျောက်ဂျောက်နဲ့ ထွက်ကျလာမလားဆိုတာ……………

င့ါနှာခေါင်းထဲမှာ
စိမ်းရွှေရွှေ လူသားတွေရဲ့ အနံ့တွေ
ှုရှောင်ရင်းတိမ်းရင်းနဲ့
သူတို့တွေကို ရှောင်ရင်းတိမ်းရင်းနဲ့……

ငါ့အဖြစ်က ………
သိုးတွေကြားမှာ မွေးတဲ့မြေခွေးလို
ဖေဖော်ဝါရီ ၂၉ လို
ဥယျာဉ်ထဲက ပေါင်းပင်လို
အဆီအငေါ်မတည့်
အစီအစဉ်မတည့်

အသက်လမ်းကြောင်းတိုတိုလေးရယ်
ခက်ခက်ခဲခဲရှုသွင်းပေးနေရတဲ့ အဆုပ်ရယ်
ဗေဒင်ဆရာကိုပေးခဲ့တဲ့အသပြာနဲ့
ဗေဒင်ဆရာကပေးတဲ့ ယတြာရယ်
အပ်ပေါက်ရာ ပြူးတူးပြဲတဲ အရေပြားရယ်

ဆီးပိုက်တွေ ပြွန်တွေ ဆေးထိုးအပ်တွေ
အဖြူတွေ အနီတွေ

သြော်…………
တွင်းအောင်းဖို့ကြိုးစားပါတော့မယ်ဆိုမှ
…… ………… …………
တွင်းဝကို ခြေမနဲ့
လာကလော်ထုတ်နေကြပြန်တယ်။ ။

စုန်း

ကျရှုံးသူ ယဉ်ကျေးမှု

ဆိုက်ရောက်ရာပြပုဒ်နဲ့

ထွက်ခွါရာပြပုဒ်

တစ်နေရာတည်းမှာ ဆုံတယ်

မပူပါနဲ့ကွယ်

ငါချစ်တဲ့ လေတံခွန်ကို မျှော်ကြည့်ပြီးရင်

ကိုယ့်အတောင်ပံ ကိုယ်ထမ်း

ခပ်လှမ်းလှမ်း ကို ပြန်ပါ့မယ်

ချောင်းခြားတဲ့တေးသီတိုင်း ငိုရပြန်ပြီ

ပင်လယ်သေထဲမှာ ငါ့မျက်ရည်ရဲ့ အရသာပျောက်ရှ

ထားတော့……

(ဒါကို ဘယ်သူမှမော့မသောက်ကြနဲ့)

ဗေဒါတွေ မျောရဦးမယ်

ပြီးရင်…

ကမ်းတင်ရဦးမယ်

အကြောင်းပြချက် ကိုယ်စီနဲ့ လူတိုင်းက ဘုရားပြီး ငြမ်းဖျက်ကြ

လက်ခုပ် လက်ဝါးတီးကြ

ပွဲတော်မှာ………

ပျော်ချင်ရုံသက်သက်

ငါ့ရင်အုံကို  …… ဗုံလုပ်ခဲ့တယ်   ။ ။

                                     စုန်း

ဇူလိုင် ငိုခဲ့တယ်

တော်လဲသံတွေနဲ့ပေါ့…
ဆုတ်ကပ် နဲ့ ပျက်သုဉ်းခြင်း ကိုယ့်မျက်လုံးကိုယ်ပဲ မှိတ်လိုက်တယ်

ရေသောက်မြစ် ဖြတ်ခံလိုက်ရတဲ့
ပန်းတစ်ရုံဟာ တဆတ်ဆတ် တုန်ရင်ခဲ့
တကယ်တော့ …
ဘယ်အရာမှကို မလွယ်ကူခဲ့တာ
ဘယ်အရာကိုမှလည်း မလွန်ဆန်နိုင်ခဲ့ဘူးလေ

ပန်းပွင့်က လှရက်နိင်လွန်းတယ်
ဒါပေမဲ့……
အမြစ်တွယ်စရာ နေရာမရှိတဲ့ အဖြစ်မျိုး
ပန်ဆင်ဖို့လဲ စိတ်ကူးထဲမထည့်ကြတဲ့အဖြစ်မျိုး

နိဋ္ဌာရုံပန်း ဈာပနပန်းလေး
ပွင့်ဖတ်တွေကံကုန်တဲ့ နောက်ဆုံးနေ့
လူသူမသိပေမဲ့
ဇူလိုင်မှာ မျက်ရည်တတွေတွေယိုလို့……။ ။

စုန်း

ဗလာထဲက လူ

အဲ့ဒီ့ မိန်းမက……
ရယ်ရင်းနဲ့ မျက်ရည်ကျတတ်တဲ့လူမျိုး
အဆုံးရှာရင်းနဲ့ အစ ပျောက်သွားတတ်တဲ့လူမျိုး
လမ်းသွားရင်တောင်
ခလုတ်တိုက်ပြီးမှ
အိမ်ပြန်ရောက်တတ်တဲ့ လူမျိုး………

တစ်ခါတစ်ခါ ဗင်းနစ်မြို့စားကို အားကျမိပေမဲ့
ကိုယ့်အသားကိုယ် 
လှီးထုတ်ပစ်ဖို့ကလည်း သတ္တိမရှိပြန်……

တကယ်တော့…
ငါဟာ အာလာဒင် ကန်ထုတ်သွားတဲ့
ဆီမီးခွက် အစုတ်မျှသာ ဖြစ်တယ်

မသိခြင်းတွေကျော်သွားတဲ့အခါ
မရှိခြင်းတွေက ဦးတိုက်ရောက်လာ
ဝလုံးနဲ့ သုည
သုည 
ပြီးတော့……
ဝလုံး……

လက်တံပျောက်သွားတဲ့ နာရီလို……
တစ်ချက်ချက် အော်နေပေမဲ့
ဘယ်အချိန်မှန်းကို မသိတော့…… ။ ။

စုန်း

သစ်ပင်စိုက်နေသည်

''ကျွန်တော်ကြီးလာရင်……
ပန်းရောင်းမယ် ဆရာမ''
ဒါက……
သူ့ရဲ့ သမိုင်းအစ
ကျောင်းစာအုပ်က လွဲရင်
ဘဝကို မကျေညက်ခဲ့
လူ့ကျင့်ဝတ်ကို အရည်မဖျော်ဖူးခဲ့
အဖြူကို အရောင်မစပ်ဖူးခဲ့
ပိုးကိုက်နေတဲ့ သစ်သီးကိုတောင်
အကောင်းမြင်တဲ့ စိတ်နဲ့ကြည့်ပေးခဲ့တယ်
''စင်းလုံးချောထက် ပိုချိုသတဲ့''

သူက ဖြတ်လမ်းဆိုတာကို မသိဘူး
ချွန်ဇူး ရဲ့ စစ်ဗျူဟာ ကို နားမလည်ဘူး
စစ်တုရင်းရဲ့ လျှောက်လမ်းမှာ 
ငေးငေးငိုင်ငိုင် ထိုင်နေတဲ့ လူသား
ဒါပေမဲ့……
သူ့ဝါသနာ အလျောက်
သစ်ပင်တော့ စိုက်တတ်တယ်။

သူက လူတကာအမြင်မှာ……
လူ့ဗာလ 
တက်လမ်းမရှိတဲ့ လှေကား
ဒီကနေ့ခေတ်မှာ
ရိုးသားမှုက
ငတုံးငအ ဆိုတဲ့ အဓိပ္ပာယ်ပြောင်းသွားပေမဲ့
သူကတော့…………
သစ်ပင်တွေ စိုက်နေတုန်း…… 
သူ…သစ်ပင်တွေ စိုက်တုန်းရယ်…။           ။

စုန်း