ကျရှုံးသူ ယဉ်ကျေးမှု

ဆိုက်ရောက်ရာပြပုဒ်နဲ့

ထွက်ခွါရာပြပုဒ်

တစ်နေရာတည်းမှာ ဆုံတယ်

မပူပါနဲ့ကွယ်

ငါချစ်တဲ့ လေတံခွန်ကို မျှော်ကြည့်ပြီးရင်

ကိုယ့်အတောင်ပံ ကိုယ်ထမ်း

ခပ်လှမ်းလှမ်း ကို ပြန်ပါ့မယ်

ချောင်းခြားတဲ့တေးသီတိုင်း ငိုရပြန်ပြီ

ပင်လယ်သေထဲမှာ ငါ့မျက်ရည်ရဲ့ အရသာပျောက်ရှ

ထားတော့……

(ဒါကို ဘယ်သူမှမော့မသောက်ကြနဲ့)

ဗေဒါတွေ မျောရဦးမယ်

ပြီးရင်…

ကမ်းတင်ရဦးမယ်

အကြောင်းပြချက် ကိုယ်စီနဲ့ လူတိုင်းက ဘုရားပြီး ငြမ်းဖျက်ကြ

လက်ခုပ် လက်ဝါးတီးကြ

ပွဲတော်မှာ………

ပျော်ချင်ရုံသက်သက်

ငါ့ရင်အုံကို  …… ဗုံလုပ်ခဲ့တယ်   ။ ။

                                     စုန်း

ကျုပ် ပြောပါတယ် ၊ ခင်ဗျားက ကျုပ်ကို ကဗျာတွေထဲမှာပဲ ချစ်တာပါ လို့ 

ခင်ဗျား ဖတ်နေတဲ့ စာအုပ်ကို ဆွဲယူပြီး ကြည့်တယ်ဆိုတာ
ဒီနေ့  အဆင်ပြေရဲ့ လား ကျုပ်ကို မေးစေချင်တယ်မှန်း မသိဘူးလား
ဘာအစ်ဇင် ညာအစ်ဇင်တွေထက် K pop အကြောင်းပြောနိုင်ရင်
ခင်ဗျားနဲ့  ကျုပ် ဘာသာစကား ပို နီးစပ်သွားလိမ့်မယ်
ဆံပင်ဖြောင့်လာမှန်း ကျုပ်ပြောမှ သိတယ်ဆိုတော့
ခင်ဗျားရဲ့  "အရိပ်တကြည့်ကြည့် "အပေါ်
သံသယ ရှိသင့် မရှိသင့် ဖြေ
နိမိတ်ပုံတွေ သင်္ကေတ တွေမပါရင်
ကျုပ် စိတ်မကောက်ရတော့ဘူးလား ဟိတ်လူ
တခြား ယောက်ျားလေးတွေ ကျုပ်ကို စိတ်ဝင်စားပုံ ပြရင်
အသွေးတူ အမွေးတူ အပေါင်းအသင်းတွေကြားက
ခင်ဗျားကို ဒေါပွတယ်
လက်သည်းနီအရောင်ကူရွေးပေးတာကရော
တကယ်ဆို ကဗျာမဆန်လို့ လား ။            ။

စည်သူအောင်

ဇူလိုင် ငိုခဲ့တယ်

တော်လဲသံတွေနဲ့ပေါ့…
ဆုတ်ကပ် နဲ့ ပျက်သုဉ်းခြင်း ကိုယ့်မျက်လုံးကိုယ်ပဲ မှိတ်လိုက်တယ်

ရေသောက်မြစ် ဖြတ်ခံလိုက်ရတဲ့
ပန်းတစ်ရုံဟာ တဆတ်ဆတ် တုန်ရင်ခဲ့
တကယ်တော့ …
ဘယ်အရာမှကို မလွယ်ကူခဲ့တာ
ဘယ်အရာကိုမှလည်း မလွန်ဆန်နိုင်ခဲ့ဘူးလေ

ပန်းပွင့်က လှရက်နိင်လွန်းတယ်
ဒါပေမဲ့……
အမြစ်တွယ်စရာ နေရာမရှိတဲ့ အဖြစ်မျိုး
ပန်ဆင်ဖို့လဲ စိတ်ကူးထဲမထည့်ကြတဲ့အဖြစ်မျိုး

နိဋ္ဌာရုံပန်း ဈာပနပန်းလေး
ပွင့်ဖတ်တွေကံကုန်တဲ့ နောက်ဆုံးနေ့
လူသူမသိပေမဲ့
ဇူလိုင်မှာ မျက်ရည်တတွေတွေယိုလို့……။ ။

စုန်း

တိမ်

နေရောင်ကို စားတဲ့တိမ်

လရောင်ကို စားတဲ့တိမ်။

အကြိမ်ကြိမ် ကွယ်ပျောက်ဖူးခဲ့

အကြိမ်ကြိမ် ထွက်ကျဖူးခဲ့။

အကြိမ်ကြိမ် မှေးမှိန်ဖူးခဲ့

အကြိမ်ကြိမ် လင်းဖြာဖူးခဲ့။

နေရောင်ကို အန်ထုတ်တဲ့ တိမ်

လရောင်ကို အန်ထုတ်တဲ့ တိမ်။

ကန့်လန့်ကာ ဖွင့်မယ့်တိမ်

လက်ခုပ်သံတွေ ညံစေမယ့် တိမ်။

ကန့်လန့်ကာ ပိတ်မယ့်တိမ်

လူတွေ ပြန်ချိန်

တိမ်။

လက်ဝဲ

ကျွန်မရဲ့ခဲတံ

ခဲတံလှလှလေးနဲ့ရေးမှ

လက်ရေးလှမယ်လို့ထင်ထားတဲ့အရွယ်လည်း

ကျော်ခဲ့ပါပြီ။

ငါ့ရဲ့ကျောင်းသွားဖော်သူငယ်ချင်းလေးရေ

ငါတို့တွေ ဆံပင်ဆက်မဲ့အစား

ရှည်သထက်ရှည်အောင်

စိတ်ကိုဆက်ကြစို့လား။

ပညာသင်နှစ်က ၂၀

အတွေ့အကြုံအကြောင်းပြောရင်

အချိန်တွေရောင်းတယ်

နောင်တတွေဝယ်တယ်။

ပြင်မရတဲ့အမှားတွေအတွက်

ခဲဖျက်မရှိဘူးတဲ့

ဖေဖေပေးခဲ့တဲ့ခဲတံလေး

အခုထိထုတ်မရေးရသေးဘူး။

နေ့ရက်တွေအရောင်မှိန်တဲ့အခါ

ပြက္ခဒိန်ကြည့်

ကဗျာဖတ်

ဒစ်ရှင်နရီလှန်

ဘ၀အဓိပ္ပာယ်အမှန်ဆိုတာဘာပါလဲ။              ။

စိတ်ချမ်းသာမှု

ကိုယ့်အတွက်ကုန်သွားတဲ့ဝေစုလား

သေခြင်းတရားနဲ့လဲမယ်ဆိုလဲပေး

အလိုက်ပေးဆိုလည်းပေးမယ်။

ပျော်စရာအရောင်လဲ့လဲ့လေးတွေကို

ကျိုးတို့ကျဲတဲတောင်မပိုင်

ဆုတောင်းခွင့်တွေနဲ့လည်းမဆိုင်ပြန်ဘူး။

နေ့တိုင်းရထားစီးရင်းအချိန်ဖြုန်း

ငယ်ငယ်ကအိပ်မက်လေးတွေလည်းသုံးမရတော့ဘူး။

စုစုလှိုင်

စောစောထတဲ့ တီကောင်

မပြည့်တဲ့ဆုတောင်းယူမလား

မှားတဲ့ဆုတောင်းယူမလား

ဘ၀မှာ ရွေးချယ်ခွင့်ကအဲဒီလိုရှိတယ်။

မနက်နှစ်နာရီခွဲတိုင်း အိမ်ပေါ်ကဖြတ်ပျံသွားတဲ့လေယာဉ်မှာ

နိုင်ငံခြား အလှကုန်ကြော်ငြာရဲ့ဘေလ်ဘုတ်ပေါ်မှာ

ကိုယ့်ဖူးစာရှင်မပါဘူးလို့ ဘယ်သူပြောလဲ။

ဘယ်သူမှမပြောနဲ့။

ဟော်လူစီနေးရှင်းလို့လည်းမခေါ်နဲ့။

သူလိုကိုယ်လိုအတ္တနဲ့

ဘ၀မှာ တာဝန်ကျေကျေချစ်ဖူးချင်တာတစ်ခုတည်းပါ။

ဒီလထဲ နယူးရော့ခ်မှာ ရုပ်ရှင်ကျောင်းသွားတက်မလို့

မအိပ်ဘဲနဲ့လည်း နေ့လည်ကသူငယ်ချင်းစကား

အားကျပြီး ယောင်နေပြန်ပြီ။

စိတ်ကောင်းစေတနာတွေရောင်ပြန်ဟပ်ပြီ။

မေးလ်ဘောက်စ်ထဲမှာ လှေကားတွေရောက်လာသလိုပါပဲ။

ကိုယ်ကတော့ ကိုယ့်စေတနာကို ကိုယ်ယုံတယ်။

ပြီးတော့ ကိုယ့်ခြေလှမ်းတွေကို ကိုယ်ယုံတယ်။

တစ်ချိန်မှာပြန်လည်ဂုဏ်ယူဖို့

ကိုယ်ယုံကြည်ရာအလုပ်ကိုလုပ်

ကိုယ်ဘာကောင်လည်းဆုံးဖြတ်ဖို့

အရေးကြီးတယ် ဟုတ်တယ်ဟုတ်။

ဟုတ်တယ် ခင်ဗျားပြောသလိုပါပဲဗျာ။

ကျောက်တုံးနဲ့လိပ်ပြာလေးများ

ခဏစောင့်ကြပါ။

လူသားအိနြေ္ဒအပြည့်နဲ့

ဘတ်စ်ကားတိုးမစီးဘဲလာခဲ့မယ်။

မြစ်အလယ်မှာ ဘီယာသောက်ပါ။

ဓာတ်ပုံရိုက်ပေးဖို့လည်းမမေ့ပါစေနဲ့။

ငါ့ကိုစတဲ့ ဇင်မင်းထွန်းကိုဘလိတ်ဓားနဲ့ခြစ်လိုက်တယ်။

ဆရာမအမေသေလို့ တစ်ဆယ်အလှူငွေထည့်။

သူများတွေမမြင်အောင် အကြီးဆုံးပန်းသီးကိုဖွားဖွားဖွက်ထားပေးပါ။

အကြောင်းအရာနဲ့ လူတွေပြောင်းသွားတာကလွဲရင်

ငယ်ငယ်က စာအုပ်နောက်ဆုံးစာမျက်နှာမှာရေးတယ်

ကြီးလာတော့ ကွန်ပြူတာမျက်နှာပြင်ပေါ်တက်ရေးတယ်။

ဖရီကွမ်စီတူရင် ပေါင်းမိလိမ့်မယ်ဆို

ညာပြောမိတာခွင့်လွှတ်ပါ

စရိတ်စကတွေများတယ် ဖုန်းမဆက်နဲ့။

(မိုးသောက်ယံတွင် ရေးချင်ရာရေးသည်။စောစောထသောတီကောင်အပေါင်းတို့ ငှက်ဘေးမှ ကင်းဝေးကြပါကုန်။)

စုစုလှိုင်

ငါ့အတ္တ

ပူလောင်လွန်းတယ်..

မီးစပေါင်းကဋေကဋာနဲ့..

ရင်ဝကိုခွဲနေသလို...

အမုန်းသွေးတွေငါ့ကိုယ်ထဲမှာစီးဆင်းနေတော့..

ဟူးးးးး.....

မရည်ရွယ်ပဲ..

သက်ပြင်းမောတစ်ခုချွေချတယ်..

ကိုယ့်ကိုကိုယ်ပြန်ဆန်းစစ်....

မခံချင်စိတ်ကြောင့်လား........

မာန..

မဖိတ်ခေါ်ပဲရောက်လာတဲ့ငါ့ရဲ့ကိုယ်ပွား..

ရတယ်..

ကြုံလာမယ့်အဆိုးအကောင်းတိုင်းအတွက်..

ကံကြမ္မာကိုငါမယိုးဘူး..

စိတ်ချ...

ငါ့နှလုံးသွေးဆူပွက်သရွေ့..

ကြုံလာမယ့်အဆိုးမှန်သမျှကို..

ငါ့ကိုယ်ပိုင်အားနဲ့

လိပ်ပြာသန့်သန့်တိုက်ထုတ်ဦးမှာ..

ကိုယ်ယုံကြည်ရာလမ်းကို

ခေါင်းမော့ရင်ကော့လျှောက်နိုင်ဖို့..

ငါလက်ကိုင်ထားတဲ့ကိုယ်ကျင့်သိက္ခာရှိတယ်..

ကမ္ဘာကြီးပြိုပျက်သွားပစေ..

ငါ့အတ္တနဲ့ငါစိမ်းလန်းမယ့်..

မြက်ခင်းပြင်မှာ..

ဘယ်မသန့်ရှင်းတဲ့ဝိဥာဉ်ကိုမှ..

ဖြတ်လျှောက်ခွင့်မပေးတာ..

ငါ့အတ္တပဲ......

Thanatkhar July

ကျွန်တော့်ကို မော့ကြည့်စေခဲ့တဲ့ ကောင်းကင်

လင်းတစ်ဝက် မှောင်တစ်ဝက်

ကျွန်တော့် ရင်ခုန်ဖက်လေးကို မြင်ရတယ်

နေ့နဲ့ ည ဆိုတာတွေကို

ကျွန်တော် သတ်ပစ်လိုက်ရပေါ့။

မိုးသံ လေသံတွေ ရော နေတဲ့ တီးလုံးဟာ

သူ့ကိုယ်သူ ပြန်သီကျူးတယ်

မိုးစက်လိုလို ရေငွေ့လိုလိုနဲ့

ကျွန်တော့်လို မြစ်တစ်စင်းမှာမှ

သူမ လာပြီး တသွင်သွင် စီးပြနေပြန်ပေါ့။

အိပ်မက်မက်တယ်

ကျွန်တော့် ကဗျာခေတ်မှာ

သူမဟာ ဘုရင်မ လာဖြစ်လိုဖြစ်

ကျွန်တော် ပြောပြတော့ သူမက

သာမန်ကာ လျှံကာ ရယ်ပစ်တယ်

(ကျွန်တော့်မှာတော့

သူမ မျက်လုံး မှေးသွားတာလေးကိုပဲ

အလုအယက် ချစ်လိုက်ရတယ်)။

အဲဒီလိုနဲ့

တစ်ချို့ည တွေ မမှောင်ဘူး

တစ်ချို့မိုးတိမ်တွေ ရွာမချဘူး

တစ်ချို့ အိပ်မက်တွေက...

ဘယ်တော့မှ နိုးထ မလာတော့ဘူး

ကျွန်တော်လဲ မိုးသည်းတဲ့ ညတွေဆို

မအိပ်ဖြစ်တော့ဘူး

အဲဒီလိုနဲ့......။

တစ်ယောက်နဲ့ တစ်ယောက်

သံယောဇဉ်ချင်း ထိမိခိုက်မိရာက စ

တစ်ယောက် အသက်ရှူသံကို တစ်ယောက်

နားထောင်မိရာက စ။

သူမ က

ကျွန်တော့် စာလုံးပေါင်းသတ်ပုံလေး တစ်ခု

ဖြစ်ခဲ့ရပေါ့။      ။

လက်ဝဲ

တောခြောက် ခံရတဲ့ သစ်ပင်

လက်ညှိုးညွှန်ရာ စီးဆင်းခဲ့ဖူးပြီ
အခု
စိုးရိမ်ရေမှတ်ဟာ ကိုယ့် အနံ့ အသက်ကို
ခြေရာကောက်လို့  ။
သီးပွင့်ကြည့်ဖို့ 
နေသာ ကြည့်ဖို့ အရေးကိုမှ
မလိမ်မိုး မလိမ္မာ
"သူတို့  မင်းကို မလိုချင်ဘူး "
"သူတို့  မင်းကို မလိုအပ်ဘူး"
သူတို့ 
သူတို့ ...........
တံခါးတွေကို
ထွက်သွားဖို့  အတွက်ပဲ ဖွင့်ခဲ့ကြတာ ။          ။

စည်သူအောင်

ငါ့လမ်းဟာ တစ်ဖြောင့်တည်း .. ငါ့မြို့မှာ ဘုရင်မတစ်ပါးတည်း

ငါ့လမ်းဟာ တစ်ဖြောင့်တည်း ... 
ငါ့မြို့မှာ ဘုရင်မတစ်ပါးတည်း ...

မျှော်လင့်ချက် တလက်လက်နဲ့ .. 
ယုံကြည်မှုက တစ်ခုတည်း ..

သိပ်များများစားစား မရှိပေမယ့် .. 
ငါ့ဘ၀က ခမ်းနားလွန်းတယ် ... 

ရွှေရည်ငွေရည် မစိမ်တဲ့ ..
ဖြူစင်တဲ့ အိပ်မက် ..
အတောင်အလက်စုံတဲ့ 
ခံယူချက်နဲ့ ..

လောကဓံက 
စိန်ခေါ်တဲ့အခါတိုင်း .. 
တော်လဲသံနဲ့ ငါ့ဝိဥာဉ်က 
ထစ်ချုန်း ဟိန်းဟောက်ပြ .. 

ဘယ်အရာကမှ ..
သစ္စာတရားကို 
ခုတ်ထစ်ဖြတ်တောက်ပစ်လို့မရ ..

ဘယ်အရာကမှ ...
မေတ္တာတရားလောက်
မနွေးထွေး မအေးမြ ..

ငါ့ရင်ထဲမှာ ..
ငါ့သွေးနဲ့ ရေးထားတဲ့ ..
နီရင့်ရင့် စကား ..
ငါ့ကိုယ်ပိုင် ဒဿန ..

" ငါ့လမ်းဟာ တစ်ဖြောင့်တည်း ..
ငါ့မြို့မှာ ဘုရင်မတစ်ပါးတည်း " 

မင်းသီ

ဖေဖော်ဝါရီ တစ်ဆယ့်လေး

ချစ်သူများ (စုံတွဲများ)၊
ချော့ကလက်၊
ပန်းစည်း၊
အရုပ်၊
အမှတ်တရ ကဒ်ပြား၊
အင်္ကျီဆင်တူ၊
ပရိုမိုးရှင်း၊
ဒစ်စကောင့်၊
စူပါမားကဒ်များ၊
တစ်ဆက်ရှင်စာ တည်းခိုခန်း၊
လိင်ကိစ္စ၊
ဗယ်လင်တိုင်းဒေး…

ရောမမြို့က သူတော်စင်တစ်ယောက်
သူကွပ်မျက်ခံရတဲ့နေ့ကို ငေးကြည့်နေတယ်…။ . . . . . ။

.
ကိုဇေ

ဗလာထဲက လူ

အဲ့ဒီ့ မိန်းမက……
ရယ်ရင်းနဲ့ မျက်ရည်ကျတတ်တဲ့လူမျိုး
အဆုံးရှာရင်းနဲ့ အစ ပျောက်သွားတတ်တဲ့လူမျိုး
လမ်းသွားရင်တောင်
ခလုတ်တိုက်ပြီးမှ
အိမ်ပြန်ရောက်တတ်တဲ့ လူမျိုး………

တစ်ခါတစ်ခါ ဗင်းနစ်မြို့စားကို အားကျမိပေမဲ့
ကိုယ့်အသားကိုယ် 
လှီးထုတ်ပစ်ဖို့ကလည်း သတ္တိမရှိပြန်……

တကယ်တော့…
ငါဟာ အာလာဒင် ကန်ထုတ်သွားတဲ့
ဆီမီးခွက် အစုတ်မျှသာ ဖြစ်တယ်

မသိခြင်းတွေကျော်သွားတဲ့အခါ
မရှိခြင်းတွေက ဦးတိုက်ရောက်လာ
ဝလုံးနဲ့ သုည
သုည 
ပြီးတော့……
ဝလုံး……

လက်တံပျောက်သွားတဲ့ နာရီလို……
တစ်ချက်ချက် အော်နေပေမဲ့
ဘယ်အချိန်မှန်းကို မသိတော့…… ။ ။

စုန်း

ဈေးကွက်

ဘဏ်စာအုပ်ထဲက ဂဏန်းတွေ

စိတ်မလုံခြုံတဲ့ ကွန်ဒိုတွေ

ပညာမဟုတ်တဲ့ စာရွက်တွေ

နာမည်နောက်က ရာထူးတွေ

အရေပြားပေါ်က ကောက်ကြောင်းတွေနဲ့

နှလုံးသားကို ဗန်းပြ

အချစ်ဆိုပြီးချရောင်း

လိင်ကိစ္စကို အစစ်တောင်း

အရောင်းအဝယ်ဖြစ်နေကြတဲ့ ဈေးကွက်မှာ

လူသားဆန်မှု နဲ့ ကိုယ်ချင်းစာတရား

အလကားပေးပါရစေ။ . . . ။

ကိုဇေ

ထာဝရဆိုတာ သေချာတယ်

ကပ်သီးကပ်သပ် ကောင်မလေးဆိုတဲ့ ..
မှော်ဝင်သီချင်းတွေမှာ ..
ငါ့ညတွေဟာ ပျော်ဝင်သွားခဲ့ ...

ဂျစ်ပ်စီအိပ်မက်တွေလည်း ..
လူကြီးလူကောင်းဆန်တတ်ခဲ့ပြီ .. 

ပုံပြင်မဆန်ဘူး ..
ဒဏ္ဍာရီမဆန်ဘူး ..
ရိုးရိုးလေးနဲ့ လှတာ ..
ငါတို့ရဲ့ ဇာတ်လမ်းပေါ့ ..

ဒါပေမယ့် .. 
နည်းနည်းတော့ .. 
ထူးဆန်းအံ့သြဖွယ်ကောင်းတယ် .. 
မိုးစက်ပေါက်များစွာထဲကမှ ..
'သူမ' ဆိုတဲ့ .. 
မိုးစက်ပေါက်ကလေးက ..
ထီးပေါင်းများစွာထဲကမှ ..
'ငါ' ဆိုတဲ့ ..
ထီးကလေးပေါ် ပေါက်ခနဲ ကျလာခဲ့ .. 

ဒီလိုနဲ့ ..
ယုံကြည်ချက်တွေဟာ ..
ဝတ်ကောင်းစားလှတွေနဲ့ ဖြစ်လာခဲ့ ..

သူ့ကို သတိရခြင်းတွေနဲ့အတူ ..
ဘဝရဲ့ ပင်ပန်းဆင်းရဲမှုတွေမှာ ..
နေပျော်လာခဲ့တယ် ... 

ထာဝရ သေချာတယ် .. 
သောကြာကြယ်က ...
တနင်္ဂနွေဂြိုလ်မှာ အုပ်မိုးနေသရွေ့တော့ ..
ငါ့နက္ခတ်တွေ ပြာနေလိမ့်ဦးမယ်

မင်းသီ

မသန့် ရှင်းသော မျက်လုံးများဖြင့် လက်ကို မပွတ်သပ်မိရန်

ပြက်လုံးက မရယ်ရတဲ့ အခါ
လူရွှင်တော်ကို ရယ်ကြမှာလား
ခေတ်နက်နက်ကြီးထဲ
သေသေရှင်ရှင် ပစ်ချခံထားရ ။

အားလုံးဟာ ဖြတ်လျှောက် တွေပါ
တစ်ကမ္ဘာတည်းသား တွေပါ
အသက်ရှူသံတွေ ပေကျံနေတဲ့
အမှားအယွင်း တွေပါ ။

အဲဒီ လက်ဖြစ်ကျိန်စာတွေ
ဘယ်လောက် သက်ဆိုးရှည်ဦးမှာလဲ
စီးဆောပုံ လုပ်ထားတဲ့ ညီမျှခြင်းတွေက
တစ်ဖက်ဖက်ကို အမြဲ စောင်းနေမှာပဲ
လှေကားတစ်စင်းဟာ လှေကားတစ်စင်းကို
တက်နင်းသွားတယ် ။            ။

စည်သူအောင်

သစ်ပင်စိုက်နေသည်

''ကျွန်တော်ကြီးလာရင်……
ပန်းရောင်းမယ် ဆရာမ''
ဒါက……
သူ့ရဲ့ သမိုင်းအစ
ကျောင်းစာအုပ်က လွဲရင်
ဘဝကို မကျေညက်ခဲ့
လူ့ကျင့်ဝတ်ကို အရည်မဖျော်ဖူးခဲ့
အဖြူကို အရောင်မစပ်ဖူးခဲ့
ပိုးကိုက်နေတဲ့ သစ်သီးကိုတောင်
အကောင်းမြင်တဲ့ စိတ်နဲ့ကြည့်ပေးခဲ့တယ်
''စင်းလုံးချောထက် ပိုချိုသတဲ့''

သူက ဖြတ်လမ်းဆိုတာကို မသိဘူး
ချွန်ဇူး ရဲ့ စစ်ဗျူဟာ ကို နားမလည်ဘူး
စစ်တုရင်းရဲ့ လျှောက်လမ်းမှာ 
ငေးငေးငိုင်ငိုင် ထိုင်နေတဲ့ လူသား
ဒါပေမဲ့……
သူ့ဝါသနာ အလျောက်
သစ်ပင်တော့ စိုက်တတ်တယ်။

သူက လူတကာအမြင်မှာ……
လူ့ဗာလ 
တက်လမ်းမရှိတဲ့ လှေကား
ဒီကနေ့ခေတ်မှာ
ရိုးသားမှုက
ငတုံးငအ ဆိုတဲ့ အဓိပ္ပာယ်ပြောင်းသွားပေမဲ့
သူကတော့…………
သစ်ပင်တွေ စိုက်နေတုန်း…… 
သူ…သစ်ပင်တွေ စိုက်တုန်းရယ်…။           ။

စုန်း