့
ကိုယ် စိတ်ပျော်နေရင် ကိုယ့်ရဲ့ စက္ကူပန်းကလေးက အရေင်လှလှလေးတွေ ပြောင်းနေလိမ့်မယ်
ကိုယ့် အပြုံးတွေကိုကြည့်ပြီး ကိုယ့် စက္ကူပန်းလေးဟာ ရင်ဘတ်ထဲမှာ
လွင့်ချင်တိုင်း လွင့်နေတယ်
တခါတလေ ကိုယ့်ပျော်ရွှင်မှုဟာ ပန်းကေလးကို လှပစေလို့
တခါတလေ ပန်းကလေးရဲ့ ရနံ့ကို ရှူရှိုက်ပြီး ကိုယ့်မှာ လန်းဆန်းခဲ့ရတယ်။
တကယ်တော့ ကိုယ့်ရဲ့ စက္ကူပန်းလေးဟာ ကိုယ့်ရဲ့ အသက်ဆိုလည်း ဟုတ်တယ်။
ကိုယ် အိပ်ပျက်တဲ့ညတွေဆို
သူ့မှာ အရောင်တွေ ဖျော့လို့
သူ စိတ်ညစ်တဲ့ အခါ ကိုယ်ဟာ အရာအားလုံးကို မေ့ထားပစ်နိုင်ခဲ့တယ်။
ကိုယ်မှာ သူ့ရဲ့စိတ်နဲ့
သူ့ခမျာ ကိုယ့်ရဲ့စိတ်နဲ့
ကိုယ့်ရင်ဘတ်ထဲက စက္ကူပန်းပွင့်လေးဟာ ကိုယ့်ရူးသွပ်မှု တခု ဖြစ်လာခဲ့တယ်။
ဒီလိုနဲ့
ရက်စွဲတွေ တရက်ပြီးတရက် ကုန်လွန်လာခဲ့ ကိုယ်ရော ကိုယ့်စက္ကူပန်းပွင့်လေးပါ အိပ်မက်နယ်မြေထဲမှာ
ကိုယ်စီကိုယ်ငှ ပျော်ကြ ရွှင်ကြပေါ့။
ဖြစ်တည်မှုတွေ ပျက်ကျသွားတဲ့အခါ ဖြစ်ပျက်မှုတွေ စတင်တည်မြဲလာခဲ့ ... လောကဟာ ၀ှက်ထားတဲ့ ဖဲချပ်တွေကို လိုအပ်မှ ထုတ်ပြတတ်တယ်
အဲ့ဒီနေ့က ကိုယ့်ရင်ဘတ်ထဲက စက္ကူပန်းပွင့်လေးက
သူဟာ
စက္ကူပန်းပွင့်လေး မဖြစ်ချင်တော့တဲ့ အကြောင်း ကိုယ့်ဆီမှာ ခွင့်လာတောင်းတယ် ။
ဘယ်လို ခံနိုင်ရည်မျိုးနဲ့ ကိုယ့်မှာ ခေါင်းညိတ်ပြရမလဲ၊ ကိုယ့်ရဲ့ရှင်သန်ရာကြိုးလေးက
ကိုယ့်ကို လာဖြတ်ချတော့မယ်၊
တကယ်တော့ ကိုယ်ဟာလည်း သံပတ်ပေးခံထားရတဲ့ သံပတ်ရုပ်ကလေးဖြစ်ကြောင်း
ဘယ်လို အင်အားမျိုးသုံးပြီး သူ့ကိုပြောပြရမလဲ ကိုယ့် ယုံကြည်မှုဟာ ဘ၀တခုလုံးစာ လွတ်ကျသွားတယ်
ကိုယ့်ကမ္ဘာငယ်လေး တခုလုံး ပြိုကျသွားတယ်။
ဒီလိုနဲ့
ကိုယ့်စိတ်ရူးသွပ်မှုတွေ အဆုံးရောက်သွားခဲ့
ကိုယ့်စိတ်တည်မြဲခြင်းတွေ ကျပျောက်သွားခဲ့ ကိုယ့်စိတ်ထိန်းချုပ်အားတွေ ကွာကျသွားခဲ့ ကိုယ့်စိတ်အစိုင်အခဲတွေ ပြုတ်ထွက်သွားခဲ့ ကိုယ့်စိတ်ဒဏ်ရာတွေ တက်တူးဖြစ်သွားခဲ့
ကိုယ်နဲ့ ကိုယ့် စက္ကူပန်းပွင့်လေး တရားဝင် ဝေးသွားခဲ့
ကြိုးပြတ်သွားတဲ့ ရုပ်သေးရုပ်ကလေးလိုမျိုး ကိုယ်လည်း အရုပ်ကြိုးပြတ် လွတ်ကျသွားခဲ့တယ်။
အဲ့ဒီနေ့က ကိုယ့်စက္ကူပန်းလေး
ရိုးတံ တလျှောက် သွေးစက်တွေနဲ့ ပြည့်လို့ ကိုယ့်ရင်ဘတ်ထဲက စက္ကူပန်းလေး
ကိုယ့် အ ဝေး ကို တိတ် တိတ် လေး ပြေး ထွက် သွား ခဲ့ တယ် ။
- ဇောက်ထိုး -=၂၆ မတ်၂၀၁၄ ၊ ၂၃း ၃၀ =
Subscribe to:
Post Comments (Atom)
0 comments:
Post a Comment